Leporem Passenianum
Leporem curas, exossas,
extensum ornas, suspendes ad fumum. Cum colorauerit, facies ut
dimidia coctura coquatur. Leuas, asparges salem, assas, oenogaro
tanges. Adicies in mortarium piper, ligusticum, fricabis, suffundes
liquamen, uinum et liquamine temperabis in caccabum. Adicies
oleum modicum, facies ut ferueat. Cum ferbuerit, amulo obligas.
Leporem assum a dorso tangis, piper asparges et inferes.