Pullus Vardanus
Pullum coques iure hoc:
liquamine, oleo, uino, <cui mittis> fasciculum porri, coriandri,
satureiae. Cum coctus fuerit, teres piper, nucleos cyathos duos
et ius de suo sibi suffundis et fasciculos proicies. Lac temperas,
et reexinanies [in] mortarium supra pullum, ut ferueat. Obligas
eundem albamentis ouorum tritis, ponis in lance et iure supra
scripto perfundis. Hoc ius candidum appellatur.