Minutal Terentinum
Concides in caccabum albamen
de porris minutatim, adicies oleum, liquamen, cocturam, isiciola
ualde minuta et sic temperas ut tenerum sit. Isicium Terentinum
facies: inter isicia confectionem inuenies. Ius tale facies:
piper, ligusticum, origanum, fricabis, suffundes liquamen, ius
de suo sibi, uino et passo temperabis. Mittes in caccabum. Cum
ferbuerit, tractam confringes, obligas. Piper aspergis et inferes.