Leporem <pipere> sicco sparsum
Et hunc praecondies sicut
haedum Tarpeianum. Antequam coquatur, ornatus suitur. Piper,
rutam, satureiam, cepam, thymum modicum; liquamine collues. Postea
in furnum coques et impensam talem circumsparges: piperis semunciam,
rutam, cepam, satureiam, dactilos IV, uuam passam ustam coloratam
super uatillum, uinum, oleum, liquamen, caroenum. Frequenter
tangitur ut condituram suam omnem tollat, postea ex pipere sicco
in disco sumitur.